Trik kura kanek husi asidente motor

Ba Maluk Motorista sira, karik ita hatene katak konsekuensia nudar ema Motorista ne'e sempre iha maske ema balun dehan "Hau ne'e pegan lama ona" hehe... alias kleur ona lori motor, maibe buat asidente ba ema hotu nebe moris ne'e determina ona ka GOD'S WRATH nebe nudar samada atensaun ba ema ida-idak ne'e duni importante liu mak tenke fiar an bainhira viajen ba fatin dook ou besik hodi asegura motor nia kondisaun no sistema seguransa nian nebe iha nune garantia katak iha funsiona masimu durante prosesu viajen ba distansia nebe do'ok.

Iha ema balun nebe bainhira halao viajen utilija ekipamentu nebe mak estandarte hodi prevene kanek nebe sei akontese bainhira hasoru asidente maibe maioria ema barak mak la uja ekipamentu hirak sira ne'e ho rajaun nebe mak lolos labele simu kuandu hare ba transporte nebe mak hanesan motor, tan ne'e dala barak hasoru asidente sempre marka hela ba iha isin lolon kanek nebe mak sei lori tempu semana, fulan nune bele rekopera ho diak fali, nee duni liu husi hau nia pagina pesoal ne'e hau hakarak fahe informasaun oituan konaba oinsa prevene kanek nebe hetan husi asidente motor no prosesu durante hein kanek rekopera fali.
Tuir mai esperensia nebe hau iha bainhira hau hetan asidente durante viajem ho Motor, nebe sei deskrebe ho detailu;

Asidente Motor ita bele enfreta atraves dalan nebe variavel tebes hanesan; Monu tamba foin aprende atu lori Motor, Bainhira ita tuir ema seluk nebe lori Motor, ema seluk/motor seluk nebe bele soke ita ou ita soke ema, Monu tamba tempu udan Aspal namdoras, monu tamba hakfodak bainhira hare motor/kareta ruma mosu derepente iha ita nia oin/kotuk, monu tamba aspal taka ho rai no tahu bainhira tempu udan.

 Hanesan tipu asidente hirak nebe temi iha leten nebe sei akontese kanek nebe kama'an ou todan ba ita nia liman, ain, no isin lolon, nune'e ita sei aplika prosesu kurativu nebe mak hanesan. Tuir mai ita sei hare detailu liu oinsa kura kanek bainhira monu iha tempu udan no aspal/estrada namdoras.

Kura kanek bainhira monu ho Motor iha tempu Udan

Kanek fresku foin monu

Kanek nebe hatudu iha imazen ne'e hanesan kanek nebe foin fresku depois hamos husi monu, hanesan ita hare katak kanek ne'e kategoria kanek kama'an tamba ita nia isin nia kulit mak nakloke hotu bainhira kose iha aspal, needuni ita presija hamo'os ho be manas ou be mo'os atu prevene labele infesaun no diak liu hamo'os kedan depois monu iha fatin akontese kedan kuandu ita lori ho ita nia be mineral/aqua, depois fase hamaran ho tisue antiseptic ou selae hena mo'os maran nune be iha kanek leten bele maran, nune labele kose ho BETADINE ou aimoruk nebe mak hanesan salep/gel tamba bele kria infesaun bainhira la aplika tuir prosedure nebe diak, nebe diak liu husi maran deit hanesan nee hodi ita bele hare no kuidadu no hamoos bebeik bainhira foer ruma kona, diak liu labele falun nune kanek nee bele hetan sirkulasaraun anin nebe sufisiente hodi erkopera ho lalais.

Mina Gosok

Hanesan hatudu iha imajen ne'e, bainhira ita aplika tuir prosesu hirak nebe temi iha deskrisaun imajen dahuluk nian maka ita sei hetanMina nu'u, mina gosok, no olive oil, hau bai-bain uja mina hirak ne'e tamba sira sei lafo afeita nebe negativu ba ita nia kanek, so atu ajuda ita nia kulit nebe bubu no sente to'os iha area kanek nian ne'e sai mamar nune bele garantia ita nia movementu ba mai.
rejultadu nebe diak, hodi la hetan infesaun ba ita nia kanek nebe iha hanesan hatudu dau-daun iha segundu imajen. iha imajen daruak ne'e ita komesa sente ona bubu iha parte haleu kanek nebe iha no parte seluk nebe mak bainhira ita monu tatidik makas iha aspal nia bsei bubu, nune'e atu prevene moras husi bubu nee ita presija kose mina nebe mak halo nia sente kamaan, mina hirak ne'e mak hanesan;

Kanek  depois Loron ida

Bainhira ita kose hela deit Mina Gosok durante tempu monu to'o loron rua ita sei hare kanek nebe iha hanesan iha imajen tuir mai ne'e, hare hanesan iha tasak kinur maibe ne'e laos tasak kinur ne'e ita nia kanek ou kulit nebe haleu kanek komesa prosesu ona oinsa atu rekopera no kulit maten nebe haleu ne'e mak sai dodok bainhia ita kose mina gosok ne'e ba, nune'e hanesan ne'e ita sei bele bo'ok an ka movimentu ba mai hodi halao atividade nebe iha mesmu ho kuidadu tebes.

Bainhira ita hare ba kanek ne'e nia ben sai ita presija hamaran ka hamo'os ho kabas rahun selae tisu maran nebe mak mo'os no observa hodi hasai mos kulit balun nebe mak tabele, depois hamaran ho be manas nune'e fase sai tiha mina gosok nia restu antes atu kose fali ba.

Kanek depois loron tolu

Iha prosesu kurativu ho mina gosok ne'e ita bele kose iha tempu bainhira ita atu halo movementu ka bainhira ita hare kulit diak nebe haleu kanek ne'e maran, maibe bele para iha tempu kalan tamba ita deskansa, maibe tenke hamo'os tiha mina ou kanek nia been nebe iha antes ba toba.

Sempre observa hela deit progresu kura tivu uja mina kuda no rekoperasaun kulit kanek nian nebe ita nia isin halo, nune'e ita konsume mos ai-han nebe iha nutrisaun diak hodi suporta prosesu rekoperasaun ho lalais nomos bele hemu aimoruk ruma nebe iha karik atu hamenus netik moras husi kanek nebe iha bainhira sente ladun diak, tamba kada ema ninia resistensia isin ba moras nebe iha variavel  tebes.

 Bainhira to'o ona tempu kulit iha kanek nian leten ne'e komesa maran ona, ne'e ita presija kuidadu liu tamba ita sente katar ituan haleu area kanek nian, nune'e ita labele koir tamba bele halo nakles fali kulit nebe mak rekopera ona, tamba ne'e sujere atu kose ho deit mina gosok nune'e bele hakma'an ka halo fresku katar nebe mak ita sente, tama ona faze ne'e ita bele kose mina gosok ba area kanek ne'e tomak maibe laos fakar deit ba leten tamba ne'e laos mekanismu nebe diak, presija tau iha kabas mak kose ba.

Sei iha kontinuasaun...